DMO იმერეთი წარმოგიდგენთ ციფრული ხელოვნების სტუდია “რეროს” ავტორობით შექმნილ აპლიკაციას “ფანტომები: არაჩვეულებრივი გამოფენა”, რომელიც კულტურულ-ტურისტული დანიშნულებისაა.
"ფანტომები:არაჩვეულებრივი გამოფენა" შექმნილია საერთაშორისო ციფრულ ავანგარდში მყოფი, ჯერ კიდევ განვითარებადი გაძლიერებული რეალობის ტექნოლოგიით და ჯერჯერობით ანალოგი არა აქვს. უზოგადესად, მისი არსი იმაში მდგომარეობს, რომ აპლიკაციაში ტელეფონის კამერა იხსნება, რის შემდეგაც ეკრანზე ასახულ სივრცეში დაინახავთ იმგვარ ობიექტებს, რომლებიც სინამდვილეში იქ არ არის. აპლიკაციის სრულყოფილი ვერსია ქუთაისის ცენტრში მდებარე 10 ზონაში მუშაობს. თითოეული ზონა სავსეა მაღალმხატვრული, კულტურული ობიექტებით.
