კურორტი წყალტუბო კურორტი წყალტუბო მდებარეობს დასავლეთ საქართველოს ცენტრალურ ნაწილში, იმერეთის რეგიონში, ქუთაისიდან 9 კილომეტრის დაშორებით. ქალაქის უნიკალური ღირსშესანიშნაობაა მისი არქიტექტურა, რომელიც წარმოადგენს საბჭოთა, სტალინური ამპირის სტილში გადაწყვეტილ შენობებს, რომელთა ნაწილი ჯერ კიდევ საჭიროებს აღდგენას, თუმცა სწორედ ეს ობიექტები იზიდავენ ინდუსტრიული ტურიზმის მოყვარულებს. წყალტუბო ცნობილი იყო ჯერ კიდევ VII-IX საუკუნეებში და დღესაც განთქმულია თერმულ-რადონული მინერალური წყლის აბაზანებით. წყაროები სამკურნალო თვისებებით შეუდარებელია. მინერალური წყალი გამოირჩევა საკმაოდ მდგრადი ფიზიკო-ქიმიური თვისებებით და განეკუთვნება სუსტად რადონულ ქლორიდულ - მაგნიუმიან წყლებს. წყლის ტემპერატურა 33-35 გრადუსია, რბილი, კამკამა და უსუნოა. კურნავს შემდეგ დაავადებებს: კიდურების, პერიფერიული ნერვული სისტემის, გულისა და სისხლძარღვების, კანის, ნივთიერებათა ცვლის მოშლილობის, ენდოკრინული სისტემის, გინეკოლოგიურ დააავადებებს, რევმატიზმს, პოლიომიელიტს და ცერებრალურ დამბლას. წყლები რეკომენდირებულია, როგორც დიდებისთვის, ასევე პატარებისთვისაც (3 წლიდან ზემოთ). სამკურნალო-სარეაბილიტაციო ცენტრები მდებარეობს ქალაქის შუაგულში გაშენებული ცენტრალური პარკის ტერიტორიაზე (78ჰა), საიდანაც ხდება აბანოების მიწისქვეშა მინერალური წყლით მომარაგება. პარკში გაშენებული მრავალწლიანი და იშვიათი ჯიშის ფოთლოვანი და წიწვოვანი ხე-ნარგავები, მარადმწვანე დეკორაციული მცენარეები და ყვავილნარი ქმნის ქალაქში სასიამონვო კლიმატს.

სათაფლიის ნაკრძალი

უნიკალური ადგილი, სადაც შეგიძლიათ ნახოთ დინოზავრების ნაკვალევი, პრეისტორიული კარსტული მღვიმე და მინის ხიდიდან დაათვალიეროთ იმერეთის პანორამული ხედები.

ბაგრატის ტაძარი

საქართველოს სამი ყველაზე დიდი კათედრალიდან ერთ–ერთი. აგებულია 1003 წელს და მას შემდეგ ბევრჯერ დაზიანდა მტრების შემოსევების გამო. ბოლოს მისი აღდგენა 2012 წელს განხორციელდა.

თეთრი ხიდი

თეთრი ხიდი ქალაქის ცენტრალურ უბანში მდებარეობს. იგი 1850 წელს აშენდა და ქალაქის ერთ–ერთი მთავარი ღირშესანიშნაობაა.

კოლხური შადრევანი

ქალაქის შუაგულში მდებარე შადრევანი ლამაზი ფიგურებით არის მორთული. მისი განსაკუთრებულობა მდგომარეობს იმაში, რომ, ეს ფიგურები უძველესი არტეფაქტების ასლებია.

დრამატული თეატრი

ქუთაისის თეატრი განსაკუთრებულია ისტორიით და შენობის არქიტექტურით. მდებარეობს ქალაქის მთავარ მოედანზე.

ბაგრატის ტაძარი

საქართველოს სამი ყველაზე დიდი კათედრალიდან ერთ–ერთი. აგებულია 1003 წელს და მას შემდეგ ბევრჯერ დაზიანდა მტრების შემოსევების გამო. ბოლოს მისი აღდგენა 2012 წელს განხორციელდა.

თეთრი ხიდი

თეთრი ხიდი ქალაქის ცენტრალურ უბანში მდებარეობს. იგი 1850 წელს აშენდა და ქალაქის ერთ–ერთი მთავარი ღირშესანიშნაობაა.

სათაფლიის ნაკრძალი

უნიკალური ადგილი, სადაც შეგიძლიათ ნახოთ დინოზავრების ნაკვალევი, პრეისტორიული კარსტული მღვიმე და მინის ხიდიდან დაათვალიეროთ იმერეთის პანორამული ხედები.