+995 (0) 431 247 722
plane
ქუთაისის აეროპორტი
ფრენები
arrow
barcode

სად გავჩერდეთ?

სრულად...
სასტუმრო EMPIRE HOTEL
პუშკინის ქ. #7, ქუთაისი

სასტუმრო EMPIRE HOTEL მდებარეობს ქუთაისის შუაგულში. სასტუმროს ირგვლივ განლაგებულია ქუთაისის მთავარი ღირსშესანიშნაობები: ბაგრატის ტაძარი, ისტორიული მუზეუმი, თეთრი ხიდი, ძველი ქუჩები ბარებითა და რესტორნებით. სასტუმრო განლაგებულია სამ სართულზე და თავის მომხმარებელს სთავაზობს უმაღლესი სტანდარტების მქონე, 14 ლუქსისა და 11 სტანდარტული ტიპის ნომერს. ჩვენ გთავაზობთ მყუდრო გარემოს, სტუმართმოყვარე პერსონალს და საუკეთესო, 24 საათიან სერვისს მისაღებ ფასებში. ფასთან და ხარისხთან შესაბამისად თქვენ მოგემსახურებათ მაღალპროფესიული და კვალიფიციური პერსონალი, ნამდვილი ქართული სტუმართმოყვარეობით.

The Grand Piano Villa
წერეთლის ქ. #26ა, ქუთაისი

The Grand Piano Villa არის ისტორიული ბუტიკის ტიპის სასტუმრო, რომელიც გამოირჩევა ტრადიციული ქართული არქიტექტურით. ქუთაისის საერთაშორისო აეროპორტიდან სასტუმრომდე 21კმ-ია.

სასტუმრო Best Western
ი. გრიშაშვილის ქ. #11, ქუთაისი

სასტუმრო Best Western Kutaisi მდებარეობს ქუთაისის ცენტრში. სასტუმროდან რამდენიმე ნაბიჯში მდებარეობს თეთრი ხიდი, რომელსაც პირდაპირ მივყავართ ქალაქის ისტორიულ ცენტრში. აღდგენილი პატარა ფილაქნის ქუჩები და ერთსართულიანი შენობები ქალაქის ნამდვილ ხიბლს წარმოადგენს. ადგილობრივი მოსახლეობის თბილი სტუმართმოყვარეობა და იუნესკოს კულტურული მემკვიდრეობის ძეგლები – ბაგრატის ტაძარი და გელათის მონასტერი, ქუთაისს ქართველი და უცხოელი ტურისტების ერთ–ერთ ძირითად დანიშნულებად აქცევენ. სასტუმრო ბესთ უესტერნ ქუთაისში ერთმანეთს შერწყმულია თანამედროვე გარემო და ადგილობრივ კულტურა. სასტუმრო სტუმრებს სთავაზობს მომსახურების საერთაშორისო დონეს, რომელიც ასევე შესანიშნავად ერწყმის ადგილობრივ სტუმართმოყვარეობას. სასტუმრო გთავაზობთ თანამედროვე ინტერიერისა და კომფორტის მქონე 45 მყუდრო ოთახს და სასიამოვნო გამოცდილებას გპირდებათ, როგორც დასვენებისთვის ასევე ბიზნეს ვიზიტებისთვის. სასტუმრო ბესტ უესტერნ ქუთაისის ტერიტორიაზე განთავსებულია ორი რესტორანი და ბარი. სასტუმროს შეხვედრის ოთახებში შესაძლებელია 100 დელეგატამდე განთავსება, ფართო დასასვენებელი ადგილებით. 

საოჯახო სასტუმრო "ფერადია"
სხირტლაძის ქ. #3, ქუთაისი

სასტუმრო "ფერადია" მდებარეობს ქუთაისში, თეთრი ხიდიდან 600მ–ის მანძილზე და "კოლხეთის შადრევნიდან" 1.1 კმ-ში. სასტუმროში არის 24 საათიანი მისაღები. საუზმე არის 9 საათიდან. ბაგრატის ტაძარი სასტუმროდან დაშორებულია 1.5 კმ_ით, გელათის მონასტერი _ 11 კმ_ით, ქუთაისის აეროპორტი კი _ 21 კმ_ით. ყველა ოთახს აქვს ინდივიდუალური სააბაზანო, ტელევიზორი და კონდენციონერი.

საზანოს ღვინის მარანი და სასტუმრო
სოფელი ზედა საზანო, ქუთაისიდან 48კმ

საზანოს ღვინის სასტუმრო მოიცავს 4 სტანდარტულ ნომერს, 1 ოჯახურ ნომერს, 1 იმერული ხის ოდას, რომელიც ცალკე მდგარი უნიკალური ძველებური ხის ნაგებობაა და ასევე ცალკე მდგარ ღვინის მარანს. ერთდროულად 20-მდე ადამიანის მიღება შეგვიძლია. სტუმრებს შესაძლებლობა აქვთ ეკოლოგიურად სუფთა გარემოში სრულად შეიგრძნონ ტერუარის თავისებურებანი, დატკბნენ იმერული სოფლის ავთენტურობით და ისიამოვნონ იმერული პეწით გაჯერებული სტუმართმოყვარეობით.

საოჯახო სასტუმრო Nana's Home
გოგებაშვილის ქ.#7, ქუთაისი

საოჯახო სასტუმრო Nana's Home მდებარეობს ქუთაისის ცენტრალურ, ისტორიულ უბანში. გვაქვს 4 ორ ადგილიანი ოთახი და 1 საოჯახო ოთახი 4 ადამიანზე. სასტუმროს გააჩნია საკუთარი მცენარეებით და ყვავილებით მორთული ლამაზი ეზო. სასტუმროში მოწყობილია ქართული ეროვნული ტანსაცმელის კუთხე, შესაძლებელია ტანსაცმლის ჩაცმა და სამახსოვრო სირათების გადაღება. სტუმრებისთვის ხელმისაწვდომია კომპიუტერი და პრონტერი. სტუმრებს ასევე ვუმასპინძლდებით ოჯახის ღვინითა და ჭაჭით.

ჩიქოვანების მამული
სოფელი გორდი, ქუთაისიდან 50კმ

კეთილი იყოს თქვენი მობრძანება ჩიქოვანების მამულში! თუ გსურთ მოხვდეთ სამოთხეში დედამიწაზე - მთების, ჩანჩქერებისა და კანიონების საოცარ ველურ ბუნებაში, დატკბეთ ულამაზესი მთებისა და ღამით ვარსკვლავებით მოჭედილი ცის თაღის ცქერით, ან უბრალოდ მოწყდეთ ყოველდღიურ ერთფეროვნებას, მაშინ გელოდებით ჩიქოვანების ძველ მამულში! აქ თქვენ დაგხვდებათ ოთხსართულიანი სასახლე, უზარმაზარი ეზო ასწლოვანი ხეებით, მყუდრო კეთილმოწყობილი ნომრები საუკეთესო ხედებით. უნიკალური ბუნება, სუფთა და გამჭვირვალე ჰაერი, დახვეწილი და მდიდარი სამზარეულო, ნატურალური, ჭურის ღვინო, ცნობილი ჭყუნტის არაყი, საუკეთესო მომსახურება - ყველაფერი ერთად ქმნის სასიამოვნო გარემოს დასვენებისათვის. მოსულ სტუმარს შესაძლებლობა ექნება ითევზაოს მთის კალმახზე და ადგილზევე დააგემოვნოს საკუთარი ნანადირევი. 

სასტუმრო "რიო"
სოლომონ I-ის #43, ქუთაისი

Hotel Rio მდებარეობს ქალაქის ცენტრთან ახლოს, 1 კილომეტრში. სასტუმროში გვაქვს 10 ნომერი - ორადგილიანი, სამადგილიანი და საოჯახო ტიპის ნომერი რომელიც განკუთვნილია 4 პერსონაზე. ვამზადებთ საუზმეს სტუმრის სურვილისამებრ. ყველა ოთახში გვაქვს  ინდივიდუალური სველი წერტილი.

საოჯახო სასტუმრო VITA GARDEN
სამაკაშვილის ქ. #7, წყალტუბო, ქუთაისიდან 15კმ

სასტუმრო "ვიტა გარდენი" მდებარეობს კურორტ წყალტუბოში, კურორტის ცენტრალურ პარკისა და სტალინის ყოფილი აგარაკის უშუალო სიახლოვეს, იდეალურ, მყუდრო და მშვიდ გარემო ადგილას. სასტუმროს აქვს ულამაზესი, საქართველოში ერთადერთი უნიკალური ტოპიარული ეზო-პარკი, სადაც შეგიძლიათ ოჯახთან ერთად დაისვენოთ კომფორტულად და მიიღოთ მაქსიმალური სიამოვნება.

საოჯახო სასტუმრო "მერიდიანი"
ჟ.შარტავას 1-ლი შეს. #15ა, ქუთაისი

საოჯახო სასტუმროს სტრატეგიული მდებარეობა ყოველნაირად მოსახერხებელია ტურისტული მიმართულებებისათვის, ამასთანავე ადგილი არის მყუდრო და წყნარი.

სასტუმრო "ციცინათელა"
კურორტი საირმე, ქუთაისიდან 54კმ დაშორებით

სასტუმრო  ციცინათელა მდებარეობს  კურორტ საირმეში, რომელიც მდიდარია მინერალური სამკურნალო წყლებით და თერმული  აბაზანებით. სასტუმროს აქვს  ყველა პირობა  რათა კომფორტულად  მოემსახუროს  დამსვენებელს, ეზო არის გამწვანებული და შესაბამისი ადგილია განტვირთვისთვის.

სასტუმრო "პრომეთე"
რუსთაველის #11, წყალტუბო, ქუთაისიდან 14კმ

სასტუმრო “პრომეთე” მდებარეობს ქალაქ წყალტუბოს ცენტრში, ბალნეოლოგიურ ზონასთან ახლოს. სასტუმრო ხასიათდება კომფორტული გარემოთი და შესანიშნავი კვებით. სასტუმროს მომსახურების სფეროა ბიზნეს შეხვედრები, ტურიზმი და დასვენება-გაჯანსაღება. გაჯანსაღებისათვის გიწვევთ სასტუმრო „პრომეთე“-ს სარეაბილიტაციო ნაწილში, რომელიც აღჭურვილია უახლესი გერმანული „ფიზიო მედი“-ს  ფირმის თანამედროვე აპარატურით. გამაჯანსაღებელი პროცედურების მრავალფეროვნება კომფორტულს  გახდის თქვენს  დასვენებას ჩვენთან. სარელაქსაციო პროცედურები, ჯანსაღი გზაა ორგანიზმის სრულფასოვანი ფუნქციონირებისთვის.

გასტრონომიული მაგია

სრულად

სად ვჭამოთ?

სრულად
ბაიას ღვინო
სოფელი ობჩა, ბაღდათი

კომპანია ბაიას ღვინო 2015 წელს დაარსდა. კომპანია ორიენტირებულია განაგრძოს მეღვინეობისა და მევენახეობის მეოთხე თაობის საოჯახო ტრადიცია. ბაიას ღვინო მდებარეობს იმერეთში ბაღდათის მუნიციპალიტეტში, სოფელ ობჩაში. კომპანია ფლობს საკუთარ ვენახებს და სხვა სასოფლო სამეურნეო მიწის ფართობებს. ბაიას ღვინო ტურისტულად საინტერესო ადგილია. აქ თქვენ იხილავთ მარანს, სადაც მზადდება ღვინო, ნახავთ უმრავ ტრადიციულ ნივთს, რომელსაც მარანში ვიყენებთ. ასევე ვენახებს, სადაც ყურძენია დაკრეფილი.

ჩაის სახლი "ფოე-ფოე"
რუსთაველის #5

სახლში არის წიგნების კუთხე, რომლითაც ნებისმიერ სტუმარს შეუძლია სარგებლობა.გვაქვს სამაგიდო თამაში -ჭადრაკი, განსაკუთრებით კომფორტული ჰამაკი და საქანელა. გარდა დარბაზისა, ჩვენ გვაქვს ვერანდა, სადაც ჯდომა ზაფხულში სასიამოვნოა განსაკუთრებით კი მწეველებისთვის.
მოკლედ აქ ყველაფერია იმისთვის, რომ თავი ისე იგრძნოთ როგორც სახლში, მოხვიდეთ და დიდხანს დარჩეთ ჩვენთან :)

მარანი თამარისი
სოფელი როკითი, ბაღდათი

საოჯახო მარანი „თამარისის“ სახელწოდება ოჯახის დიდი ბებიის სახელი თამარიდან მომდინარეობს, რადგან მისი დამსახურებაა, რომ 130 წლის კარმიდამოში წინაპრების გაშენებული ვაზი დღემდე ხარობს. ვენახში უნიკალური ჯიშების დიდი მრავალფეროვნებაა - სადადიანო ოჯალეში, ცოლიკოური, ციცქა, კუნძა, ოცხანურის საფერე, ძელშავი და რკო. ვაწაროებთ ნატურალურს ანუ ბიო ღვინოს.

კაფე - რესტორანი პალატი
პუშკინის ქ. #2

სიტყვა ,,პალატი” ნიშნავს ლეჩხუმური ოდის ქვითკირით ნაშენებ პირველ სართულს, სადაც ანთია ცეცხლი, ოჯახი ატარებს უმეტეს დროს და სადაც გულთბილ გარემოცვაში უმასპინძლდებიან სტუმარს. "პალატი" ასოცირდება სახლთან, ოჯახთან და მყუდრო გარემოსთან, ინტერიერის ყველა დეტალი გულდასმით მოძიებული და შერჩეულია. შესანიშნავი ლოკაცია ქუთაისის ისტორიულ უბანში, უგემრიელესი და ჯანსაღი ქართულ-ევროპული კერძები, თბილი ატმოსფერო, მომღიმარი მასპინძლები და შეუდარებელი ცოცხალი მუსიკა, თქვენს ,,პალატში” სტუმრობას დაუვიწყარს გახდის.

რატის მარანი
სოფელი პირველი ობჩა, ბაღდათი

ქუთაისიდან 30 კილომეტრის დაშორებით, ქუთაისი - საირმის გზაზე მდებარეობს რატის საოჯახო მარანი. ეს არის ადგილი, სადაც სხვადასხვა იმერული ღვინის დაგემოვნებასთან ერთად თქვენ შესაძლებლობა მოგეცემათ თქვენივე ხელით ამოავლოთ ჩურჩხელა, შეწვათ მწვადი და გამოაცხოთ პური.

შატო დიდი ველი
სოფელი დიდველა, ბაღდათი

შატო მდებარეობს ქუთაისიდან 14 კილომეტრის მოშორებით. ჩვენ გთავაზობთ ღვინის სადეგუსტაციო ტურს, რომელის დროსაც ხდება ტრადიციული ქართული ღვინის დამზადების პროცესის მრავალწლოვანი ისტორიის გაცნობა. ასევე ღვინისა და ჭაჭის დაგემოვნება, ვახშამი ტრადიციული კერძებითა და ხალხური მუსიკალური გაფორმებით. ასევე ფუნქციონირებს სასტუმრო.

ტური ითვალისწინებს სტუმრის მიღებას, გარემოს დათვალირებასა და ინფორმაციის მიწოდებას შატოს ისტორიის შესახებ. შემდეგი ეტაპი არის ღვინის დეგუსტაცია ღვინის მარანში. გვაქვს სამი სხვადასხვა სახის ღვინოს: 1. რქაწითელის ჯიშისგან დამზადებული წინანდალი 2. ნახევრად ტკბილი საფერავი და 3.თეთრი მშრალი ცოლიკაური. ასევე სურვილისამებრ, გთავაზობთ ადგილზე ნაწარმოებ ჭაჭას რომელიც დიდი პოპულარობით სარგებლობს ბაღდათის რაიონში. ღვინის დეგუსტაციის დროს სტუმრებს შეუძლიათ დააგემოვნონ იმერული ყველის დაფა (იმერული ყველი, შებოლილი სულუგუნი), თაფლი, ნიგოზი და სხვადასხვა ხილის ჩირი (ქიშმიში, შავი ქლიავის ჩირი).

მარადიული მარანი
სოფელი მერჯევი, საჩხერე

მევენახეობა-მეღვინეობა ღვინის მარანი "მარადიულის" უწყვეტი ტრადიციაა. ზღვის დონიდან 560 მეტრზე გვაქვს გაშენებული უძველესი იმერული ვაზის ჯიშები. ვაწარმოებთ 2 სახის, ძალშავისა და ცოლიკაურის ვაზის ჯიშებისგან მიღებულ ღვინოებს. ღვინოები დაყენებულია ქვევრში ძველი ტრადიციული მეთოდით. ღვინო ფილტრაციასა და ქიმიურ დამუშავებას არ გადის და წარმოადგენს ნატურალურ პროდუქციას.

მარანი "დიონიდე"
სოფელი ფერსათი, ბაღდათი

მირიან იოსებაშვილის მარანი „დიონიდე“ მდებარეობს ბაღდათის მუნიციპალიტეტში სოფელ ფერსათში, ზღვის დონიდან 240მ სიმაღლეზე. მარანი აშენებულია შუაგულ ვენახში, სადაც გაშენებულია იმერული ვაზის ცხრა სახეობა. ღვინოს ვამზადებთ ძველი იმერული წესით, ქვევრში. ჩვენი მარნის მთავარი ღირებულება და უნიკალურობაა უძველესი იმერული ვაზის ჯიში კუნძა და მისგან წარმოებული ღვინო. ჩემს მარანში მოსულ სტუმრებს, სურვილის შემთხვევაში, საშუალება ექნებათ მონაწილეობა მიიღონ სხვადასხვა აგრარულ ღონისძიებაში, ასევე ჩავუტარებთ მასტერკლასს იმერულ სამზარეულოსა და ჭურ-მარანში.

ბარ-რესტორანი პრესის სახლი
რუსთაველის ქ. #37

ისტორიული სტამბის შენობაში, ქუთაისის ცენტრში განთავსებული რესტორანი და ცოცხალი მუსიკის ბარი პრესის სახლი განსაკუთრებული ხასიათით გამოირჩევა. სრულყოფილი ბალანსი ძველსა და ახალს შორის ქმნის სასიამოვნო ატმოსფეროს ადგილობრივი და უცხოელი სტუმრებისთვის. რესტორანი თანამედროვე კლასიკურ კერძებთან ერთად წარმოგიდგენთ ქვეყნის ტრადიციულ სამზარეულოსა და არომატს. ყოველ საღამოს იმართება წვეულებები ცოცხალი მუსიკის თანხლებით. შეგიძლიათ მოუსმინოთ ქართველ ინსტრუმენტალისტებსა და ვოკალისტებს და გვიანობამდე იცეკვოთ. პრესის სახლი ადვილად ერგება ნებისმიერ გემოვნებას და სურვილებს.

ხომლის მარანი
სოფელი გვიშტიბი, ქუთაისიდან 17კმ

ღვინის მწარმოებელი კომპანია, „ხომლის მარანი“ დარსდა 2010 წელს. კომპანიის დაარსების მიზანს წარმოადგენს აწარმოოს ბიო/ორგანული ქვევრის ღვინოები უძველესი ქართული ტრადიციული მეთოდებით. ვენახები გაშენებულია მისტიური ხვამლის მთის ფერდობზე, რომელიც მუშავდება ტექნიკის გამოყენების გარეშე, მხოლოდ ხელით. უამრავი ისტორიული, ლეგენდარული, გამოგონილი თუ საიდუმლოებით მოცული ამბავი უკავშირდება ხვამლის მთის სახელს. ამ მთის ჩრდილო-დასავლეთ ფერდობზე ხარობს ერთ-ერთი უძვირფასესი ქართული ჯიშის ვაზი უსახელოური, რომლისაგანაც მზადდება ამავე სახელწოდების ღვინო. ამ ღვინის განსაკუთრებულად მაღალ ფასს, მის განსაკუთრებულ და გამორჩეულ თვისებებთან ერთად განაპირობებს მისი გავრცელების არეალის სიმცირე, რადგან ეს ვენახები ხარობს მხოლოდ სოფელ ზუბისა და ოყურეშის მიდამოებში.

ღვინის მარანი "ოტიას ეზო"
ქ. წყალტუბო, ხელოვნების ქ. #1, ქუთაისიდან 11კმ–ის დაშორებით

აქ თქვენ შეგიძლიათ დააგემოვნოთ: 

  • ციცქა-ცოლიკოური
  • ჩხავერი
  • ოცხანური საფერე
  • ოტია (ოცხანური საფერესა და უსახელოურის კუპაჟი)
მეღვინეობა ჭური ჩინებული
სოფელი მეორე სვირი, ზესტაფონი

კომპანია "ჭური ჩინებული" 2017 წელს დაფუძნდა სვირის მიკროზონაში. ჩვენი კომპანია დაკავებულია იმერული იშვიათი ჯიშების წარმოებით და პოპულარიზებით. სვირი ქართული 8000 წლიანი მეღვინეობის კულტურის ერთ-ერთი გამორჩეული ადგილია. ღვინის ჯიშების სხვადასხვა კომბინაციების სეპაჟებისა და კუპაჟების გარდა, ექსპერიმენტებს ვაწარმოებთ ჩვენი მიკროზონის ყურძნის ქართლურ და კახურ ჯიშებთან შერევით. 

უახლესი მოვლენები

სრულად
23 Dec
2019
14 Dec
2019
ბუნებრივი ღვინის ფესტივალი "ამერიმერი"
25 Jul
2019
ინფო–ტური იმერეთში